TÍTULO VII

ÓRGANOS DE REPRESENTACIÓN.

ARTIGO 16. O CONGRESO NACIONAL DO PCG.

O Congreso do PCG é o seu órgano supremo.

O Congreso terá carácter ordinario ou extraordinario.

O Congreso do PCG é convocado polo Comité Central, que determina a data de celebración, duración e normas.

O Congreso ordinario convocarase cada 3 anos.

O Comité Central ó obxecto de amplia-los debates congresuais ou especialmente relevantes, articulará as vías para acreación de plataformas de opinión.

O Congreso extraordinario convocarase a instancias do Comité Central ou de, alo menos, 1/3 da afiliación.

Decidida a convocatoria distribuiranse os materiais de discusión e proxectos elaborados cunha antelación mínima de 2 meses á celebración do Congreso, a fin de garanti-la discusión e aportación de críticas, modificacións, propostas alternativas, etc.

ARTIGO 17. COMPOSICIÓN E CELEBRACIÓN.

O Congreso Nacional do PCG o compoñen as/os afiliadas/os elexidas/os para este fin según as normas aprobadas polo Comité Central. O seu número se determinará en proporción á afiliación. A circunscrpción electoral será a Agrupación.

Serán membros natos as/os membros do Comité Executivo.

As delegacións se compondran respetando as porcentaxes de votación.

A celebración do Congreso deberá ter a máxima transparencia e difusión nos medios

de comunicación social.

Acomodarase ás normas regulamentarias que no seu momento se aproben.

Na sesión de apertura, a proposta do Comité Central sainte, elexirase a Mesa Presidencial que asume a dirección do Partido ata a elección do novo Comité Central.

A Mesa Presidencial someterá en primeiro lugar á aprobación o regulamento do Congreso proposto polo Comité Central.

Ás sesións do Congreso asistirán como invitadas/os, propostas/os polo Comité Central, as/os afiliadas/os que poidan aportar axuda técnica os temas xerais e as/os membros de outros partidos, delegacións, ou institucións.

ARTIGO 18. COMPETENCIAS.

Son competencias do Congreso nacional:

a.- Elaboralas propostas políticas do Partido.

b.- Discutir, e no seu caso aprobar, o informe de xestión do Comité Central.

c.- Examina-lo informe de xestión económica e plan de finaciación.

d.- Examina-las cuestións estatutarias e, no seu caso, reforma-los estatutos.

e.- Determina-lo número do Comité Central.

f.- Elexir, mediante voto secreto, directo e persoal, as/os membros do Comité Central que corresponda e suplentes que segundo o seu orde se incorporarán como membros efectivos ó Comité, cubrindo as baixas nos casos nas que as houbese.

g.- Elexi-la Comisión de Estatutos.

A/s lista/s de candidatas/os presentaranse dacordo có regulamento do Congreso.

Os documentos do Congreso deben estar a disposición das/os afiliadas/os con antelación suficinte para o seu estudio.

Os informes de xestión deberán ser documentos precongresuais.